مودی کا کامیاب دورہ سعودی عرب تاریخ میں اہم سنگ میل

 مرکزی وزیر اقلیتی امور ڈاکٹر نجمہ ہپت اللہ نے وزیر اعظم نریندر مودی کے حالیہ دورۂ سعودی عرب کو سراہتے ہوئے کہا ہے کہ یہ دورہ دونوں ممالک کے بیچ تعلقات کی تاریخ میں ایک سنگ میل کی حیثیت رکھتا ہے۔
انہوں نے مزیدکہا کہ وزیر اعظم کے حالیہ دورے نے در حقیقت ایک ایسے ملک سے ہمارے تعلقات کی میں وسعت پیدا کی ہے جو خلیجی خطے



میں ہمارا ایک اہم شریک رہا ہے۔
انہوں نے آگے کہا کہ تجارت اور سرمایہ کاری، بنیادی ڈھانچے کی ترقی، دہشت گردی اور تحفظ کے نقطۂ نظر سے وزیر اعظم کے دورے کی کامیابیوں کو سیاسی وابستگیوں سے اوپر اٹھ کر سراہا جانا چاہیے تھا لیکن افسوسناک بات ہے کہ اپوزیشن تنگ نظری کا ثبوت دیتے ہوئے اس پر نکتہ چینی کر رہا ہے جو ملک کے مفاد کے خلاف ہے۔